Deiwinner
Wisten de Ea-oanhingers juster net oft Eastermar no wol of net earste wie, hjoed koe sels in bline mol it sjen: 'it doarp Eastermar' kaam mei trije skipslingten foarsprong as earste oer de einstreek. Douwe Tadema torpedearre mei in sprong fan blidens óér it helmhout syn skipper/broer op it achterdek. De oare bemanningsleden foelen mekoar ek om 'e nekke út klearebare entûsjasme. De flaggen kinne yn top. FEEST!
De basis foar dit geweldige resultaat lei skipper Geale Tadema eins al in bytsje yn 'e earste rûte, want mei in lange stjoerboardslach oer de mar kaam ús doarpskûtsje as 6e om de boppeste tonne. Mar yn 'e twadde rûte makken de Eastermarders hiel handich gebrûk fan de striid dy't trije foarlizzende skûtsjes mei mekoar útfochten yn 't foar-de-wynse rak. Dy trije sylden mekoar sadanich yn 'e fernieling dat ús jonges en famkes by de ûnderste tonne it earste plak berikten foar 'De Jonge Jan' fan Jelle Talsma. Dy posysje liet Geale net mear los, sterker noch: foar Jelle waarden de letterkes fan it nammebuordsje op de kont fan ús skûtsje hieltiten lytser... De foarsprong fan 'it doarp Eastermar' rûn fan 20 sekonden út nei 40!
By de oare skûtsjes barde fan alles: trije skippen rekken de tonne (strafrûntsjes!); by Tony Brundel sloech in man oer board en de EHBO-boat moast in bemanningslid mei hertritmeproblemen fan 'De Jonge Jan' helje. Ditsoarte ûngemakken bleaunen 'it doarp Eastermar' gelokkich besparre en dus koenen de Fryske flagge én de doarpsflagge oan 'e fokkeloet en hysje mar.
De deiwinner fan 'e grutte A-klasse mei jûn it stêdskanon fan Sleat ôfsjitte. Dus Geale: KNALLE!
Ineke, jelly, Jildau en Sees zorgen iedere dag voor de catering
Traditioneel kanonschieten voor de winnaar
-
-
- Informatie
- 06 maart 2024
Skûtsjejûn SIES 2024
De Skûtsjejûn waard goed besocht, de seal yn't Breed siet fol. Fierder lêze » -
- Informatie
- 12 februari 2024
Winterferljochting skûtsje Ea wer opburgen
Wy wienen dit jier wat letter, mar de winterferljochting leit wer yn de 'simmeropslach'. Fierder lêze » -
- Informatie
- 23 januari 2024
Nijjiersgearkomste SIES
Freedtejûn 19 jannewaris hienen wy in tige slagge nijjiersgearkomste foar bestjoer, bemanning en oan... Fierder lêze » -
- Informatie
- 19 december 2023
Nieuwe sponsor voor Stifting it Eastermarder Skûtsje
Wij verwelkomen Movere Media als nieuwe sponsor! Fierder lêze » -
- Informatie
- 06 december 2023
Skûtsjewijnactie 2023
Hoewel inflatie, grondstofprijzen en kosten voor materiaal de afgelopen jaren almaar toenamen, heeft... Fierder lêze »
-
- Informatie
- 02 december 2023
Eastermar is...
...in twadde doarpsskûtsje: de Broekophâlder. Fierder lêze »