It strjitfestifal Easterbarren hat de kultuerpriis fan Tytsjerksteradiel wûn. De organisaasje is tige grutsk op de priis fan 908 euro en sil dizze priis û.o. brûke foar in bettere lûdsfersterking by guon fan de njoggen podia. Dit jier komme der flink wat bands en groepen op de lêste sneon fan augustus nei it Easterbarren; âlde bekinden lyk as Gurbe Doustra en Gerbrich van Dekken mar ek nije talinten. Ek de Saxy Ladies drige wer te kommen, nei it grutte sukses fan ferliene jier, mar mei in nije act!

Troch it winnen fan de priis, eltse twa jier útrikt, is der noch mear omtinken foar it strjitfestival en sil it dit jier wer drokker wurde. Mar dat is gjin probleem foar it swingende doarp. En de entree...
...is noch altyd fergees!