Update: it protest is tawiisd en dat betsjut dat de Ea tredde wurden is yn it klassemint! In poadiumplak! 

Skûtsje it doarp Eastermar hat mei averij de lêste wedstryd op 'e Lemmer ferlitte moatten nei in oanfarring mei Grutte Pier. Skûtsje Ea lei op dat stuit oer bakboard (foto) en de GP moast dus foarrang ferliene. Der binne gjin ferwûne minsken mar wol in soad skea. Yn it klassemint sylde de Ea op in tredde plak mar of dat sa bliuwt is noch even de fraach. Der is fansels in protest yntsjinne. Wurdt it protest tawiisd, dan jildt foar dizze wedstryd it gemiddelde fan alle oare wedstriden (5,5 punten). Sadree der mear bekend is, folget yn ús blog de útslach.

In filmke fan de skea yn it Ea-skûtsjeblog >>