Prachtich 3e plak

Saterdei yn Hylpen gjin wyn, hjoed by Starum genôch. Mear as genôch sels. In prachtige silerij ûnder ideale omstannichheden en in fantastysk resultaat: in 3e plak!

Flak foar de finish

By de start hie Eastermar net in goede posysje. As 9e kaam 'it doarp Eastermar' om de boppeste tonne.
Yn de twadde rûte sylde ús skûtsje skerp oan 'e wyn, helle trije skûtsjes yn en dus in 6e plak. Om't de wyn wat weifoel waard de rûte troch de organisaasje ferlein en dat wurke yn 't foardiel fan de Eastermarders. De 'nije' boppeste tonne koenen se doe as 3e besile. Dy posysje waard oant de finish fêsthâlden.

Foar skipper Geale en syn bemanning in resultaat dat der wêze mei.
Moarn op nei Heech.

Om 12.15 oere hinne begûn it ynsilen.

Op 'e rige foar de start.

De Lemster 'Frisia' ynhelle.

Yn in sterk fjild fan it 9e fia it 6e nei in 3e plak.

Jilles Bandstra en Lucas Bouma wurde foarbystutsen.

De rappe Raerder Roek koe ús ek net hâlde.

Siebo Zijsling moast dêrnei belies jaan.

Foarich jier hienen wy wol oan Sikke Heerschop.

Striid by de boppeste tonne.

Foar de wyn op nei de finish.

Eufoary.

Heit Hindrik Tadema út 'e skroeven.

De Fryske flagge yn top: in 3e plak.

Neiprate mei supporters.

Priisútrikking.

Dat jim it mar witte!

Tekst: Wijbe Postma

Foto's: Rob Krimpenfort