...want hjoed sil it dan einlings heve: de iepening fan de Komerk. De ôfrûne dagen is der hurd wurke om alles op 'e tiid foarinoar te krijen: pealtsjes, beamkes en bankjes binne pleatst. De feesttinte stiet klear, de flachjes op 'e boaten wapperje yn 'e wyn, it gebouke is fan binnen en fan bûten oppoetst. En it waar... liket fan 'e middei net sa raar.

Wa 't neat misse wol fan de iepening, it korps fan Joost Wiersma, de bakdekkers en slepers (mei demonstraasjes en rûnfearten), it springkessen en klown Kokkie, 80 klompkes en in muzikale jûn fol mei Eastermarder talint, is fan fjouwer oere ôf tige wolkom.

de Komerk is klear (foto Harm Hoekstra)

Fansels kin men in fotoferslach ferwachtsje op dizze side. Moarn, nei it 'moarnsmielbarren' en in protte kofje hopet de redaksje dêrmei úteinsette te kinnen.