(Troch Simon Bosma)
De waarminsken hiene yn it foarút gjin bêste berjochten. Buien mei kâns op tonger, hagel en wynstjitten. Net it waar dat jo mei it Easterbarren brûke kinne. It bleau net droech, mar it koe hiel wat minder.
Op 13 poadia koe elk genietsje fan sang, dûns, muzyk, kabaret, toaniel, keunst en noch folle mear. De minsken wiene dan ek manmachtich nei ús doarp ôfreizige, al like it oft it wol wat minder wiene as foargeande jierren.
It wie de eare oan de Fjouwer Trûbadoers om it Easterbarren 2012 te iepenjen. Gurbe Douwstra, Piter Wilkens, Jaap Louwes en Doede Veeman. Dêrnei gie it los. Elk koe kieze út 13 poadia.
Bysûnder wiene dit jier de plysjehûnen. Hja lieten op de Komerk mei har bazen sjen wat hja allegear koene. Boeven pakke, foarwerpen en minsken bewake en speure. Lokkich hie de ‘boef’ saterdei in beskermjend bytpak oan. In yndrukwekkende prestaasje.
Moai wie ek de demonstraasje fan it ‘Doggy-dancing' troch Grietje Wagenaar.
Fierders wiene der optredens fan Gerbrich van Dekken, GeDoBr, Challenger, Dixie Doodle, Koardinaasje, Sa en Oaren en Twirre. Ekposysjes wiene der ek. Fan skilderijen en glês yn lead. Us eigen skûtjse 'It doarp Eastermar' gie mei shantykoaren en harkers de Mar op.
Der koe ek mei folle lytsere boaten fard wurde. Prachtige modelboaten yn in grutte bak mei wetter. It is eins te folle om op te neamen.
Oan 'e ein fan de dei soe Lechery op It Breed it Barren ôfslute. Mar doe kaam der in bak wetter nei ûnderen en waaide it hurd. Lechery moast spitigernôch syn optreden ôfbrekke. Op nei de edysje fan takom jier!
-
- Informatie
- 05 februari 2025
Gezocht Nieuwe Havenmeester
Voor het komende seizoen zijn wij opzoek naar een nieuwe havenmeester.Wat verwachten we: Iemand die... Fierder lêze » -
- Informatie
- 05 februari 2025
EA-Bloeiweek 2025
Na het geweldige succes van Eastermar Bloeit in augustus 2024 zetten we Eastermar opnieuw in bloei i... Fierder lêze » -
- Informatie
- 28 januari 2025
Verslag sponsordag 2025 van St. it Eastermarder Skûtsje
In de kantine van het nieuwe bedrijfspand Metalis van schipper Geale Tadema was vrijdag 17 januari d... Fierder lêze » -
- Informatie
- 17 januari 2025
Marnijs editie 47 tot en met 51
Reeds verschenen nummers van Dorpskrant Marnijs zijn digitaal via deze website te downloaden in PDF... Fierder lêze »
-
- Informatie
- 23 september 2024
Drie Eastermarder talenten op een rij
In de afgelopen dagen werd zeiler Willem Wiersema (opnieuw) Nederlands kampioen in de ILCA7, kreeg E... Fierder lêze »