Hoewol ’t it tal dielnimmers – der meldden har 6 (!) – wat ôffoel, is it koaitoernoai fan dit jier dochs wol slagge. Saterdeitemiddei 16 juny tusken
healwei twaën en fjouwer oere ha dy jonges en har publyk har wol fermakke.
Der moasten fjouwer ûnderdielen, t.w. heechhâlde, panenka, latsjetûk en ‘myn-moaiste-trúk’ ôfwurke wurde en yn eltse ‘disipline’ wienen punten te fertsjinjen.
Mei dy punten waard in einklassemint opmakke en de winner dêrfan kaam yn ’t besit fan de Klaas van der Ploeg-bokaal.
Dizze wikselpriis mei dan in jier thús te pronk stean. Dat dizze trofee de ynset fan it toernoai wie, wie dit jier foar it earst.
De winners fan ‘e fjouwer neamde disiplines wienen Hindrik Oosterman (panenka), Jacob Zeilstra (‘myn-moaiste-trúk’) en Wichard Mulder (heechhâlde én latsjetûk).
Foar ‘myn-moaiste-trúk’ hienen guon dielnimmers nammen betocht. Sa wie der in ‘nekslach’, in ‘around the world’,
in ‘zwangerschap’ en in ‘Jornytski’. Foar de puntewurdearring yn dit ûnderdiel moasten de sjueryleden Sytze Dijkstra en John van den Hul goed op har iepenst wêze.
Uteinliks kamen der trije spilers – Peke Ritsma, Jacob Zeilstra en Wichard Mulder – mei in puntetotaal fan 7 op papier.
Dus wie der in beslissingsronde nedich. Dy waard wûn troch Peke Ritsma. Hy is dus mei dizze prestaasje de alder-alder-earste winner fan ‘e Klaas v/d Ploeg-bokaal.
De oare prizen, der koe keazen wurde út clubsjaals of shirtsetsje, waarden beskikber steld troch de V.V. Eastermar.
-
- Informatie
- 14 februari 2025
Ea Skûtsjejûn
-
- Informatie
- 10 februari 2025
Skûtsje Ea hast wer klear
It herstel fan de skea oan it skûtsje, oprûn by de lêste IFKS-kompetysje yn 2024 op 'e Lemmer, is sa... Fierder lêze » -
- Informatie
- 05 februari 2025
Gezocht Nieuwe Havenmeester
Voor het komende seizoen zijn wij opzoek naar een nieuwe havenmeester.Wat verwachten we: Iemand die... Fierder lêze » -
- Informatie
- 05 februari 2025
EA-Bloeiweek 2025
Na het geweldige succes van Eastermar Bloeit in augustus 2024 zetten we Eastermar opnieuw in bloei i... Fierder lêze »
-
- Informatie
- 28 januari 2025
Verslag sponsordag 2025 van St. it Eastermarder Skûtsje
In de kantine van het nieuwe bedrijfspand Metalis van schipper Geale Tadema was vrijdag 17 januari d... Fierder lêze »