In wat minder drok, mar net minder gesellich Easterbarren!
Ôfrûne saterdei waard yn Eastermar de 16e edysje hâlden fan it strjit- en muzykfestival Easterbarren. By de iepening, middeis om 14.30 oere op it Breed, wienen der dúdlik minder minsken as foarige kearen, mar yn de rin fan de middei luts dat aardich by. Alles by elkoar waard de opkomst dochs wol wer rûsd op sa’n 5000 minsken. By it jûnsprogramma mei de pleatslike band Compromise en de coverbands Why Not en The Cube wie de belangstelling en gesellichheid seker net minder as oars.
It waar spile it Easterbarren osa yn de kaart. Noflike temperatueren, de sinne, in bytsje wyn. Middeis om 18.00 oere hinne kaam in donkerdriigjende loft opsetten, mar de bui ferwaaide. It lêste stikje fan it jûnsprogramma joech de natoer in gratis ljochtshow wei yn de foarm fan bliksem troch opkommende tonger. Mar der wie noch moai tiid om ek it haadpoadium op te romjen ear’t de plensbuien om healwei tolven echt losbrieken boppe Eastermar.
De organisaasje mocht wer in protte kompliminten krije fan minsken dy’t in skitterjende middei/jûn hân hienen.
Twa fan’e teateracts op it Easterbarren:
Trollen fan HympHamp Theater en Folkert Wesseling as bussjauffeur.
-
- Informatie
- 28 maart 2024
Nijs fan de Iterstùn en it Itersbosk
Groene lentekriebels in de Iterstún: er zijn ladingen groenten gezaaid die straks geplant worden op... Fierder lêze » -
-
- Informatie
- 26 maart 2024
Preamsilen op de mar: 4 maaie 2024
Lykas ferline jier sil ek yn 2024 de Burgumer Mar wer it toaniel wêze fan ferskate wedstriden fan de... Fierder lêze » -
- Informatie
- 24 maart 2024
Keningsdeifeestje
Kontaktpersoan: Frieda FaberTelefoan: 06-21262256 Fierder lêze »
-
- Informatie
- 07 september 2023
Team Easterbarren bedankt…
Afgelopen zaterdag was het de 21e keer dat Straatfestival Easterbarren werd gehouden. Wát weer een f... Fierder lêze »