In betinkplak yn de foarm fan in bankje yn de iepenbiere rûmte, makke fan ikehout út de Wâlden. Dit is ien fan de dingen dy't realisearre binne ta neitins oan 'Wâldpyk' Jan de Boer fan Boelensloane. It bankje, mei bypassende ôffalkoer, is te finen op 'e hoeke fan de Swartewei en de Lytse Hoarnst.

Op de Swartewei by it fytspaad del, op it lân fan de Maatskip Atsma, binne earder al ferskate soarten hagedoarn plante. Ek dizze hagedoarn, in foarm fan lânôfskieding dy't eartiids hiel gewoan wie yn de Fryske Wâlden, is ûnderdiel fan it betinkplak.

bankje betinking jan de boer

It ûntbleatsjen barde op moandei 24 juny 2019 ûnder grutte belangstelling troch Jannie Brouwer, in muoike fan Jan de Boer. Sy hat ek it gedicht 'Myn lân' fan Simke Kloosterman foardroegen. Dit gedicht is ek op in plakette op it bankje te lêzen. De tekst fan de plakette kin hjir delhelle wurde.

Nei it ûntbleatsjen folge in natoer- en lânskipsekskursje ûnder lieding fan Karst Meijer en Bert Maes.

Wa wie Jan de Boer:

bankje jandeboer2

Sjoch ek ús eardere berjochtjouwing oer dit ûnderwerp.

Ferslach Omrop Fryslân

 

Oar doarps- en ferieningsnijs:
Ek nijsgjirrich:
Information
Kleine Hornstweg Zwarteweg iepening
2048 hits
Werom nei de foarige side