Krekt bûten ús 'doarpsgrins' is in prachtich fytspaad kaam. Oer de brêge by Skûlenboarch fuortendaliks links ôf. Op healweis is in útsichtpunt oer de Burgumermar. Even fierderop komt men by de nije skipshuzen en it haventsje fan Jistrum út. Hjir is in bregje oer de feart nei Jistrum kaam.
Dit paad is al wer in geweldige opsje om te genietsjen fan de natuer en it lânskip yn de omkriten fan Eastermar. Eins soe by Ellens ek sa'n paad komme moatte de kant fan it Piter Johannesgat út.
Mar der moat ek wat te winskjen oer bliuwe.