Beimabuert giet foar duorsum

Us doarp is op dizze dagen wer feestlik oanklaaid fanwegen it doarpsfeest. Alle buertferienings hawwe tige harren bêst dien, útsein de Beimabuert. Alteast sa liket it wannear je de haadstrjitte fan Eastermar ynkomme. Der stiet wol in feestlike poarte oan de merkekant fan de strjitte en fierder hingje der hjir en dêr wat suterige retroflachjes. Mar oer it generaal is it net wat wy fan de Beimabuert wend binne. Hoe kin dat?

Dizze buertferiening hat der nammentlik foar keazen net wer plestik flachjes te keapjen neidat de lêsten ôfskreaun wienen. Yn 't plak dêrfan wie der in better idee en brûk de stof fan ôfkeurde flaggen fan de Dokkumer Vlaggencentrale. Mar ja, dy stof op 'e kop tikje is ien ding, mar dêrnei moatte alle flachjes noch knipt en naaid wurde. In putsje foar de bewenners. Hoewol 't guon tige harren bêst dien hawwe is dy put grutter as yn 't foar ynskat waard. Dus it komt der op del: de nije flachjes binne noch net klear.
Mar it kommende jier.. dan sil de Beima útpakke mei duorsume flachjes!